നീലാംബരി

തിരമാല
______

എന്‍ ചങ്കിലാളിച്ചയേറുന്നുവെന്‍ സഖേ
കുളിരേകാനെന്തുണ്ട് നിന്‍ കയ്യിലെന്‍ പ്രിയേ
സുഭഗമീ മാനസമരുതാത്ത മൊഴികളാല്‍
തകര്‍ന്ന ദര്‍പ്പണമാക്കി നീ മാറ്റവേ
ജീവനിരിക്കലും മൃതിയായി ഞാനിന്ന്
വിജനമീ വീഥിയിലൊറ്റയായലയുന്നു

കടലും,സ്വപ്നങ്ങളും,സ്നേഹവുമൊരു പോലെ

സ്മൃതിയിലപാരമായ് തിരകള്‍ തീര്‍ത്തിടും!!

വരണ്ട കിനാക്കളില്‍ നിണങ്ങളേറി ഞാന്‍

ഇവിടെ മൂകയായ് കഴിഞ്ഞു കൂടവേ

പുതിയ കഥയിലെ നായികയായി നീ

നര്‍ത്തനമാടുന്നു മയൂരമായഹോ!!