ഞാന്‍ ..
ഒരു പൂവിന്നെന്നില്‍ നിന്നടര്‍ന്നുപോയി....
എന്‍ കരളിലെ തീജ്വാലയേറ്റുവാനായ്....
ഒരു സ്വപ്നം പാതിയില്‍ തീര്‍ന്നു പോയി ...
എന്‍ മനസ്സിലെ നൊമ്പരം കൂട്ടുവാനായ്....
ഒരു ചിന്തയെന്നിലിന്നാണ്ടുപോയി ....
എന്‍ മാനസം നീറ്റുന്നൊരോര്‍മ്മയായ്....
ഒരു വേള ഞാനിതാ നിന്നുപോയി.....
എന്‍ കാലിലെ മൂകമാം ചിലങ്കയുമായ്.....
എന്‍ സംഗീതധാര നിലച്ചു പോയി .....
പൊട്ടിയ വീണതന്‍ തന്ത്രിയായ്.....
എന്‍ ജീവ നാളം പൊലിഞ്ഞുപോയി......
പ്രണയത്തിന്‍ രാഗാര്‍ദ്ര നോവുമായ്....
ഒരു സായം സന്ധ്യയിന്നെങ്ങുപോയി....
എന്‍ നെഞ്ചിലെ സ്നേഹത്തുടിപ്പുമായ്....
ഒരു പുലര്‍ വേള പറന്നുപോയി....
എന്‍ ഹൃത്തില്‍ കൊരുത്ത കിനാക്കളുമായ്...
ഒരു മൂക നിശ്വാസം സാക്ഷിയായി.....
ഇവിടെ ഞാനൊറ്റക്ക് മാത്രമായ്‌....
ഒരു യുഗമിന്നിതാ തീര്‍ന്നു പോയി.....
കൂട്ടിലടച്ചൊരെന്‍ ശവ മഞ്ചവുമായ്....
