വര്‍ണ്ണ മയൂരം.
എന്റെ സ്വപ്നങ്ങളുടെ പിന്നാമ്പുറത്ത്
നീയെനിക്കൊരാണ്‍ മയിലായിരുന്നു
ഇന്നീ ത്രിസന്ധ്യാ നേരത്ത്
ഇടി മുഴക്കം പോല്‍ നീ വന്നു
പ്രതീക്ഷിക്കാതെ
പരിഭവങ്ങളില്ലാതെ
നീയെന്നെ വാരിപ്പുണര്‍ന്നു കഴിഞ്ഞു
ഇനിയീ കണ്‍ കോണുകളില്‍
മിഴിനീര്‍ തുളുമ്പില്ല
അതൊപ്പിയെടുക്കാന്‍
എനിക്ക് നീയുണ്ടല്ലോ
നിഴലായ്,നിലാവായ്..
എരിയുന്ന വേനലില്‍
പൊരിയുന്ന നോവുകളിലാണ്
നീ പേമാരിയായ് പെയ്തിറങ്ങിയത്
ചുടുനീര്‍ കണങ്ങള്‍ കവിളുകളെ
കരിക്കുന്ന നേരത്താണ്
തൂവല്‍ സ്പര്‍ശമായ് നീയണഞ്ഞത്
ഇനിയീ അഴലിന്റെയാഴിയില്‍
മുങ്ങാം കുളിയിട്ട്
രത്നങ്ങള്‍വാരുവാനും
സ്വപ്നങ്ങള്‍ കൊണ്ടൊരു
സുവര്‍ണ്ണ മാല തീര്‍ക്കുവാനും
എനിക്കീയോര്‍മ മതി
എന്റെ ജീവനിപ്പോള്‍
നിറങ്ങളില്‍ നീന്തി തുടിക്കുകയാണ്
ഒരായിരം നിറഭേദങ്ങളില്‍
അതില്‍ നീയുണ്ട്
നമുക്കു ചുറ്റും
നമ്മുടെ കിനാക്കളും..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ