ഇന്നെന്റെ ഭാരതം..!!
--------------------------
നാലു പാടും നിറഞ്ഞു നില്‍ക്കുന്നൊരീ
നാരദന്‍മാരുടെ നാടാണെന്‍ ഭാരതം
നാരറ്റു പോയിന്ന് നന്‍മകളൊക്കെയും
--------------------------
നാലു പാടും നിറഞ്ഞു നില്‍ക്കുന്നൊരീ
നാരദന്‍മാരുടെ നാടാണെന്‍ ഭാരതം
നാരറ്റു പോയിന്ന് നന്‍മകളൊക്കെയും
നാശത്തിന്‍ കേളീ ഗൃഹമായെന്റെ ഭാരതം!!
പത്ത് കിട്ടിയാലത് ശതമാക്കുവാന്‍
പട്ടാപ്പകല്‍ കൊല ചെയ്യുന്നൂ മാനവര്‍
പകലോന്റെ മുന്നിലും പാതിരാ നേരത്തും
പാപങ്ങളെത്രയോ ചെയ്യുന്നീ കാലന്‍മാര്‍!!
രാഷ്ട്രീയക്കോമാളി കച്ച മുറുക്കുമ്പോള്‍
രാഷ്ട്രത്തിന്‍ ഭാവി തകരുന്നു നിശ്ചയം
രാഷ്ട്ര പിതാവായ ബാപ്പുജിയെപ്പോലും
രാഷ്ടീയ ലാക്കിനായ് മാറ്റിമറിക്കുന്നു!!
ഒക്ടോബര്‍ രണ്ടായാലൊത്തൊരുമിക്കലും
ഓടി നടക്കലും,ഗാന്ധിയെ ഓര്‍ക്കലും
ഓന്തിന്റെ മേലങ്കിയിട്ടുള്ള മാന്യന്‍മാര്‍
ഓച്ചാനിച്ചയ്യയ്യോ നില്‍ക്കുന്നു കൈ കൂപ്പി!!
ആണ്ടുകള്‍ തോറും നാം കൊണ്ടാടും കേമമായ്
ആഘോഷ വേളകളോര്‍മ്മ ദിനങ്ങളായ്
ആവേശം മൂക്കുമ്പോള്‍ പട്ടയടിക്കലും
ആവശ്യക്കാര്‍ക്ക് പൊന്നാട കൊടുക്കലും!!
ഇല്ലിനി തെല്ലിനിയുണ്‍മ തന്‍ രേണുക്കള്‍
ഇന്ത്യ തന്നാത്മാവ് മൂകമായ് ശോകമായ്
ഇവിടെ നാം പുല്‍കണം പുത്തനൊരര്‍ക്കനെ
ഇന്ത്യയെ കാക്കുവാന്‍,നമ്മളൊന്നാകുവാന്‍!
പത്ത് കിട്ടിയാലത് ശതമാക്കുവാന്‍
പട്ടാപ്പകല്‍ കൊല ചെയ്യുന്നൂ മാനവര്‍
പകലോന്റെ മുന്നിലും പാതിരാ നേരത്തും
പാപങ്ങളെത്രയോ ചെയ്യുന്നീ കാലന്‍മാര്‍!!
രാഷ്ട്രീയക്കോമാളി കച്ച മുറുക്കുമ്പോള്‍
രാഷ്ട്രത്തിന്‍ ഭാവി തകരുന്നു നിശ്ചയം
രാഷ്ട്ര പിതാവായ ബാപ്പുജിയെപ്പോലും
രാഷ്ടീയ ലാക്കിനായ് മാറ്റിമറിക്കുന്നു!!
ഒക്ടോബര്‍ രണ്ടായാലൊത്തൊരുമിക്കലും
ഓടി നടക്കലും,ഗാന്ധിയെ ഓര്‍ക്കലും
ഓന്തിന്റെ മേലങ്കിയിട്ടുള്ള മാന്യന്‍മാര്‍
ഓച്ചാനിച്ചയ്യയ്യോ നില്‍ക്കുന്നു കൈ കൂപ്പി!!
ആണ്ടുകള്‍ തോറും നാം കൊണ്ടാടും കേമമായ്
ആഘോഷ വേളകളോര്‍മ്മ ദിനങ്ങളായ്
ആവേശം മൂക്കുമ്പോള്‍ പട്ടയടിക്കലും
ആവശ്യക്കാര്‍ക്ക് പൊന്നാട കൊടുക്കലും!!
ഇല്ലിനി തെല്ലിനിയുണ്‍മ തന്‍ രേണുക്കള്‍
ഇന്ത്യ തന്നാത്മാവ് മൂകമായ് ശോകമായ്
ഇവിടെ നാം പുല്‍കണം പുത്തനൊരര്‍ക്കനെ
ഇന്ത്യയെ കാക്കുവാന്‍,നമ്മളൊന്നാകുവാന്‍!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ