നീലാംബരി

പുനര്‍ജനി
----------
ഇനിയെനിക്കൊരു
പുനര്‍ജനി വേണം..
ആരും കാണാത്തൊരാളായ്

എന്നിട്ടാകാശക്കോട്ടയിലെ
നിലാ മഴ പെയ്യും താഴ്വരയില്‍
മഴ മേഘങ്ങളെ ചുംബിച്ച്
ഒരു പെരുമഴക്കാലം തീര്‍ക്കാന്‍
അതില്‍ നിന്നും മണ്ണിലൊരു
സ്നേഹമരം മുളപ്പിക്കാന്‍
അതിന്റെ ചില്ലകളില്‍ വിരിയുന്ന
ചെമ്പൂക്കളില്‍ നിന്നും
എനിക്ക് നഷ്ടമായ
വസന്തത്തിന്റെ മാസ്മരഗന്ധം
മതിയോളം നുകര്‍ന്നെടുക്കാന്‍
എന്‍ കിനാക്കൂടുകള്‍ തകര്‍ത്ത,
പ്രതികാരത്തിന്‍ കൂരമ്പിനാലെന്‍
മനസില്‍ കൊടുങ്കാറ്റായാഞ്ഞടിച്ച
ഭൂപ്പിശാചുക്കളെ ഇളം
കാറ്റായാശ്ലേഷിക്കാന്‍..
ഇനിയെനിക്കൊരു
പുനര്‍ജനി വേണം..