വിദൂരതയില്‍
--------------
എന്റെ ചലനങ്ങള്‍ പോലും
തിരസ്ക്കരിക്കപ്പെടുമ്പോള്‍
മുള പൊട്ടിയ വാക്കും
മൃതിയടഞ്ഞ നോക്കും
--------------
എന്റെ ചലനങ്ങള്‍ പോലും
തിരസ്ക്കരിക്കപ്പെടുമ്പോള്‍
മുള പൊട്ടിയ വാക്കും
മൃതിയടഞ്ഞ നോക്കും
അര്‍ത്ഥശൂന്യമായിപ്പോകുന്നു!!
നിന്നക്ഷികളിലെയഗ്നി
രേണുക്കളെന്റെ നിഴലിനെ
ഇല്ലാതാക്കുന്നു!!
വെറുമൊരാള്‍ രൂപമായ്
സ്നേഹ നിരാസത്തിന്റെ
മുള്‍ക്കൂട്ടില്‍ തളക്കപ്പെടുന്നു ഞാന്‍
കാഴ്ച മങ്ങി,തൊണ്ടയിടറുന്ന
ഈ തപോവനത്തില്‍
നിനക്ക് നല്‍കാന്‍
ഒരു ചുടു നിശ്വാസത്തി-
ന്നുണര്‍വുകള്‍ മാത്രം!!
ഒരു നേര്‍ത്ത രേഖയാ-
യെന്‍ ചുണ്ടില്‍ ശേഷിക്കുമൊരു
ചെറു മന്ദഹാസവും!!
നിന്നക്ഷികളിലെയഗ്നി
രേണുക്കളെന്റെ നിഴലിനെ
ഇല്ലാതാക്കുന്നു!!
വെറുമൊരാള്‍ രൂപമായ്
സ്നേഹ നിരാസത്തിന്റെ
മുള്‍ക്കൂട്ടില്‍ തളക്കപ്പെടുന്നു ഞാന്‍
കാഴ്ച മങ്ങി,തൊണ്ടയിടറുന്ന
ഈ തപോവനത്തില്‍
നിനക്ക് നല്‍കാന്‍
ഒരു ചുടു നിശ്വാസത്തി-
ന്നുണര്‍വുകള്‍ മാത്രം!!
ഒരു നേര്‍ത്ത രേഖയാ-
യെന്‍ ചുണ്ടില്‍ ശേഷിക്കുമൊരു
ചെറു മന്ദഹാസവും!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ