ജാലകത്തിനപ്പുറം
____________
ജാലകപ്പുറത്തെ ആരവങ്ങള്‍
കുരിശു യുദ്ധങ്ങളില്‍
ചെറുത്തു നില്‍ക്കുന്നവരുടേതാണ്
മണ്ണിലൊരിളം കൈ
മുളയ്ക്കുവാന്‍ തുടങ്ങിയിരിക്കുന്നു
വിരിയും മുമ്പേ ഇതളടര്‍ത്തപ്പെട്ട പൂവ്
കറുത്തിരുണ്ട മേഘങ്ങള്‍ക്കിടയില്‍
മുടിയഴിച്ചിട്ട പെണ്‍കോലങ്ങള്‍
മിന്നലിനെ ഉടലോടു ചേര്‍ത്ത്
സര്‍വം കരിക്കാന്‍
തയാറെടുക്കുന്നു
തീമഴയിലും കത്തിയമരാത്ത
കല്‍ ഹൃദയങ്ങള്‍
കബന്ധങ്ങള്‍ നിറഞ്ഞ തെരുവുകളില്‍
വിജയികളുടെ ഉന്മാദ നൃത്തം
കാറ്റിന് ചുടു നിണത്തിന്റെ ഗന്ധം
ഗംഗയില്‍ ഒരു ചിതാഭസ്മം കൂടി
വീര്‍പ്പു മുട്ടിപ്പിടയുന്നു
നേരറിയേണ്ട ലോകമേ
നീതി കാക്കേണ്ട ദേവതേ
ഞാനെന്റെ ജാലകം കൊട്ടിയടക്കട്ടെ
കാഴ്ച നോവിന്‍ വിഷം തീണ്ടി
ഞാന്‍ മരിച്ചിരിക്കുന്നു
ഇനി ,
എന്റെ ശവം നിങ്ങളെടുത്തു കൊള്‍ക...
____________
ജാലകപ്പുറത്തെ ആരവങ്ങള്‍
കുരിശു യുദ്ധങ്ങളില്‍
ചെറുത്തു നില്‍ക്കുന്നവരുടേതാണ്
മണ്ണിലൊരിളം കൈ
മുളയ്ക്കുവാന്‍ തുടങ്ങിയിരിക്കുന്നു
വിരിയും മുമ്പേ ഇതളടര്‍ത്തപ്പെട്ട പൂവ്
കറുത്തിരുണ്ട മേഘങ്ങള്‍ക്കിടയില്‍
മുടിയഴിച്ചിട്ട പെണ്‍കോലങ്ങള്‍
മിന്നലിനെ ഉടലോടു ചേര്‍ത്ത്
സര്‍വം കരിക്കാന്‍
തയാറെടുക്കുന്നു
തീമഴയിലും കത്തിയമരാത്ത
കല്‍ ഹൃദയങ്ങള്‍
കബന്ധങ്ങള്‍ നിറഞ്ഞ തെരുവുകളില്‍
വിജയികളുടെ ഉന്മാദ നൃത്തം
കാറ്റിന് ചുടു നിണത്തിന്റെ ഗന്ധം
ഗംഗയില്‍ ഒരു ചിതാഭസ്മം കൂടി
വീര്‍പ്പു മുട്ടിപ്പിടയുന്നു
നേരറിയേണ്ട ലോകമേ
നീതി കാക്കേണ്ട ദേവതേ
ഞാനെന്റെ ജാലകം കൊട്ടിയടക്കട്ടെ
കാഴ്ച നോവിന്‍ വിഷം തീണ്ടി
ഞാന്‍ മരിച്ചിരിക്കുന്നു
ഇനി ,
എന്റെ ശവം നിങ്ങളെടുത്തു കൊള്‍ക...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ