കരളിന്റെ പാതി
-------------------------
കടം തന്നതല്ലീ കരളെന്റെ പൊന്നേ
നീയെന്റെ ജീവന്റെ കാതലെന്‍ കുഞ്ഞേ
പൂജ്യമായ് തീരേണ്ട വേളയില്‍ തന്നെ
പൂന്തിങ്കളായ് തീര്‍ന്നെന്റെ ജീവന്റെ കണ്ണേ
ഞെട്ടി ഞാനാ വാര്‍ത്ത കേട്ടതില്‍ പിന്നെ
പൊട്ടിത്തകര്‍ന്നെന്റെ മാനസമന്നേ
നിഷ്ടയായ്,നിശ്ചയം ചൊല്ലി ഞാനന്നേ
കനിവോടെന്‍ കരളന്ന് നീട്ടി ഞാന്‍ പിന്നെ
നിന്‍ ചിരി കാണുവാന്‍ വെമ്പി ഞാന്‍ വന്നൂ
നിലയില്ലാ ദുഖത്തില്‍ പെട്ടു ഞാന്‍ നിന്നൂ
നിറമുള്ള സ്വപ്നത്തില്‍ കണ്ടു ഞാന്‍ നിന്നെ
എന്‍ കരള്‍ നിന്റേതുമാക്കി ഞാനിന്നേ..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ